विमान दुर्घटनाबारे छानविन गर्न समिति गठन

२५ साउन, काठमाडौं । सरकारले फिस्टेल एयरको हेलिकप्टर दुर्घटनाबारे छानविन गर्न चार सदस्यीय छानविन समिति गठन गरेको छ ।

तत्कालिन हवाई विभागका महानिर्देशक हरिभक्त श्रेष्ठको अध्यक्षतामा गठित छानविन समितिमा नेपाली सेनाका प्रमुख सेनानी तथा हेलिकप्टर पाइलट सुवास थापा र सिमि्रक एयरका इन्जिनियरिङ निर्देशक विष्णु बस्न्यात सदस्य एवं संस्कृति पर्यटन तथा नागरिक उड्यान मन्त्रालयका सहसचिव सुरेश आचार्य सदस्य छन् । छानविन समितिलाई काम सुरु गरेको तीन महिनाभित्र प्रतिवेदन पेश गर्न भनिएको छ ।

सोमबार गोरखाबाट ५ दिनको सुत्केरी महिलालाई लिएर काठमाडौैं आउँदै गरेको फिस्टेल एयरको हेलिकप्टर नुवाकोटमा दुर्घटनाग्रस्त भएको थियो । दुर्घटनामा त्यसमा सवार सातै जनाको मृत्यु भएको छ ।

नुवाकोटमा भिवोर विकास वैंक सञ्चालनमा

११ साउन-नुवाकोटमा भिवोर विकास वैंकले शाखा कार्यालय सञ्चालनमा ल्याएको छ । वैंकले नवौँ शाखाको रुपमा खानीगाउँ गाविस वडा नं. ४ ढिकुरेबजारमा आफ्नो शाखा विस्तार गरेको ...