‘डर’ को शाहरुख खान जस्तो ‘सायद २’मा अमृत ढुङ्गानाको भुमिकाः प्रदीप खड्का

चलचित्र ‘प्रेमगीत २’ को युनिट आज चलचित्र ‘सायद २’ को बिशेष शो मा सहभागी भएको छ । चलचित्र ‘प्रेमगीत २’ का निर्देशक, निर्माता, नायक नायिका सहितको युनिटले चलचित्र ‘सायद २’ हेरेको हो ।

चलचित्र हेरिसकेपछि नायक प्रदीप खड्काले चलचित्रको खुलेरै प्रशंसा गरेका छन् । चलचित्र निकै राम्रो बनेको बताउँदै नायक खड्काले ‘सायद २’ का मुख्य कलाकारमध्येका एक अमृत ढुङ्गानाले चलचित्रको एक सीनमा बलिउड चलचित्र ‘डर’ का नायक शाहरुख खानको झल्को दिएको समेत भन्न भ्याए । यस्तै नायक प्रदीपले कहानीको ट्वीस्टलाई अत्यन्तै मन पराएका छन् । यस्तै ‘प्रेमगीत २’ का निर्माता सन्तोष सेनले पनि चलचित्र उत्कृष्ठ बताउँदै ‘सायद २’ बाट डेब्यु गरेका कलाकार अमृत ढुङ्गानाको खुलेरै तारिफ गरे । चलचित्र हेरिसकेपछि धेरै दर्शक तथा चलचित्रकर्मीहरुले चलचित्रलाई राम्रो प्रतिक्रिया दिएका छन् ।

अधिकांश दर्शकहरुले चलचित्रको कथाबस्तुलाई मन पराएका छन् भने कतिले चलचित्रका बिभिन्न पात्रहरुको अभिनयलाई मन पराएको प्रतिक्रिया दिएका थिए । चलचित्र हेरेपछि दर्शकहरुको मुखमा ‘मायालुको छोरा’ भन्ने डाईलग झुण्डिएको थियो ।

कतिओटा हलमा ?
चलचित्र ‘सायद २’ हिजोबाट देशभरका हलहरुमा प्रदर्शन भईरहेको छ । हिजो ७२ वटा हलहरुमा लागेको चलचित्र आज पनि उत्तिनै हलहरुमा लागेको चलचित्रका निर्माता सुनिल रावलले बताएका छन् । दर्शकहरुको उत्साहप्रद उपस्थितीले आफुहरु एकदमै खुसी भएको बताउँदै निर्माता रावलले चलचित्रले अत्यन्तै राम्रो ब्यापार गरेको समेत बताए । विदेशका कार्यक्रमको कारणले नायिका भने अनुपस्थित भएको शो मा बिभिन्न चलचित्रकर्मी, संचारकर्मी तथा अन्य दर्शकहरुको सहभागिता रहेको थियो ।

चलचित्रमा शुशिल श्रेष्ठ, स्यारोन श्रेष्ठ, अमृत ढुङ्गाना, कुशल पाण्डे, सुनील रावल, शुशिल सिटौला लगायतका कलाकारहरुको मुख्य भुमिका रहेको छ । ‘सायद २’ मार्फत स्यारोन र अमृत ढुङ्गानाले चलचित्र क्षेत्रमा डेब्यु गर्दैछन् ।

रसुवाको उत्तरगया गाउँपालिकाको शान्तिबजार, पैरेगाउँ, डाँडागाउँ ,ठुलोगाउँ सडकको अनुगमन कार्य सम्पन्न,,,,,

राष्ट्रिय पुनर्निर्माण प्राधिकरण जिल्ला आयोजना कार्यान्वयन इकाई (अनुदान व्यवस्थापन तथा स्थानीय पूर्वाधार) रसुवाद्धारा सञ्चालित शान्तिबजार, पैरेगाउँ ,डाँडागाउँ, ठुलोगाउँ सडकको अनुगमन कार्य उत्तरगया गाउँपालिकाका उपाध्यक्ष चमेली ...