नुवाकोटको तुप्चेमा आजदेखि खसीबजार मेला सुरु हुँदै

रसुवा असोज ७, विदुर नगरपालिका वडा नं. ७ तुप्चेमा आजदेखि खसी बजार मेला सुरु हुँदै छ । तीन वटा सहकारी संस्थाहरुले दसैंलाई लक्षित गरी खसीबजार मेला संचालन गर्न लागेका हुन । मेला कृषि प्रधान मुलुकमा दसैंको लागि आवश्यक खसी बोकाको विकल्प चीनबाट आउने भेडा च्याङ्ग्रा रहेकोले तुप्चेका सहकारीहरुले पछिल्लो पाँच वर्षदेखि यो अभियान सञ्चालन गर्दै आएका छन् ।
मेलामा खसी बोका विक्रिको मेलासंगै किसानहरुले उत्पादन गरेका विभिन्न कृषिजन्य सामाग्रीहरुको समेत विक्रि हुने आयोजक संस्था साबिम कृषि सहकारी संस्थाका अध्यक्ष रामप्रसाद नेपालले जानकारी दिनुभएको छ ।
गाउँमै पालेको खसी समान मुल्यमा खरिद गरेर यो पालीको दसैंलाई सर्वसुलभ र भब्य बनाउन मेलाले सघाउने आयोजक संस्थाका प्रदिप अधिकारीले बताउनुभयो । ग्रामिण भेगमा उत्पादन भएको कृषि अनाज विक्रि र प्रर्दशनीमा ल्याउन कृषकहरलाई आग्रह गर्दै सहकारी संस्थाले सामाग्री विक्रिको लागि राखिने स्टल निःशुल्क उपलब्ध गराउने भएको छ । खसी विक्रिका लागि आउने कृषकलाई सम्मान समेत गर्ने कार्यक्रम रहेको छ ।
साथै, आयोजकले यो पाली विक्रि गर्ने खसीको मुल्य समेत निर्धारण गरेको छ । साथै मेलामा ल्याएको खसी तथा कृष उपजहरुको विक्रि नभएका कृषकले घर लैजानु नपर्ने समेत आयोजकले जनाएको छ, विक्रि भएको खसी र सामाग्रीहरु हाम्रो सहकारी संस्थाले खरिद गरिदिने व्यवस्थापक प्रदीप अधिकारीले बताउनुभएको छ । साथै उक्त सहकारी संस्थाबाट ऋण लिएर खसी पादन गरेको कृषकहरुले विक्रि गर्न ल्याउने खसीको प्रतिकेजी थप पाँच रुपैयाँ सहकारीले कृषकलाई उपलब्ध गराउने छ ।
जस अनुसार २१ केजी देखि २५ केजीसम्मको खसीको प्रतिकेजी ४ सय रुपैया, २६ केजी देखि ३० केजीसम्मको खसीको प्रतिकेजी ४ सय २० रुपैयाँ मुल्य निर्धारण भएको छ । ३१ केसी देखि ३५ केजीसम्मको खसीको प्रति केजी ४ सय ३०, ३६ केजी देखि ४० केजीसम्मको खसीको प्रति केजी ४ सय ४०, ४१ केजी भन्दा माथीको खसीको प्रतिकेजी ४ सय ५० रुपैयाँ र २० केजी भन्दा तलको खसी प्रतिकेजी ३ सय ८० रुपैयाँ मुल्य निर्धारण भएको छ । उपभोक्ता सबैले सोही मुल्यमा सिधै कृषकसित खसी खरिद गर्न पाउने आयोजक संस्थाका कल्पना रिमालले जानकारी दिनुभयो ।
गत साल सोही स्थानमा आयोजना भएको वृहत्त खसी बजारमा किसानहरुले सिधै उपभोक्ताmाई छ लाख रुपैयाँको खसी बोका विक्रि गरेका थिए । यस वर्ष अहिले देखिनै खसीको माग हुन थालेकोले आयोजक संस्थाले खसी विक्रिका लागि मेलामा ल्याउन चाहाने कृषकलाई पहिल्यै सम्पर्क गरेर दर्ता गराउन साबिम कृषि सहकारी संस्थाका अध्यक्ष रामप्रसाद नेपालले आग्रह गर्नुभएको छ ।
पोहोर साल ६० वटा खसी दुई घण्टामै विक्रि भई, ढिला जाने ग्राहकहरु रित्तै फर्कनु परेको समस्यालाई मध्यनजर गर्दै यो पाली माग अनुसारको खसी मेलामा ल्याउने आयोजक संस्थाले जनाएको छ ।
दशैंको अवसरमा तुप्चेको सोलेबजारमा हुने बृहत्त खसीबजार तथा कृषि उपज मेलाको आयोजना हाम्रो सहकारी संस्था लिमिटेड, साविम कृषि सहकारी संस्था लिमिटेड र सहायता सामुदायिक उद्यमी महिला सहकारी संस्था लिमिटेडले संयुक्त रुपमा गरेको हो ।

स्मिथले जिते दुई अवार्ड

९ पुस – अस्ट्रेलियन क्रिकेटर स्टिभ स्मिथ यो वर्षको उत्कृष्ट क्रिकेटर चुनिएका छन् । उनले आइसिस क्रिकेटर अफ द इअर घोषित भएर सर गरफिल्ड सोबर्स ...