मादकपदार्थ सेवन गरी होहल्ला गर्ने पक्राउपछि रिहा

रसुवा असोज १८, चार दिनयता मादकपदार्थ सेवन गरी होहल्ला गर्ने केही व्यक्तिलाई रसुवा प्रहरीले पक्राउ गरी सचेत गराएको छ ।
जिल्ला प्रहरी प्रमुख शरदकुमार थापा क्षेत्रीका अनुसार कालिकास्थानबाट ११ जना र धुन्चेबाट तीनजनालाई मादकपदार्थ सेवन गरेबापत् पक्राउ गरी दशैँको चाडपर्व भएकाले पहिलो पटकलाई सचेत गर्दै रिहा गरिएको छ ।
यस्तै, सार्वजनिक अपराधअन्तर्गत दुईजनालाई पक्राउ गरी कानूनी प्रक्रिया अगाडि बढाएको बताउँदै प्रहरी प्रमुख थापा क्षेत्रीले जिल्लाको शान्ति सुरक्षा स्थिर रहेको जानकारी दिनुभयो । गाउँ समाजमा सुरक्षाका लागि टोलटोलमा प्रहरी गस्ती बढाइएको पनि बताइएको छ ।

पेस्तोलसहित दुई जना पक्राउ

३ फागुन– प्रहरीले तीन वटा अवैध पेस्तोलसहित दुई जनालाई पक्राउ गरेको छ । पक्राउ पर्नेमा जनकपुर उपमहानगपालिका–१२ कुवाका ४३ वर्षका रमेशप्रसाद यादव र धनुषा सबैला ...