सरकारले एक साताभित्र प्रदेशप्रमूख तोक्नुपर्ने

रसुवा पुस ८, सरकारले एक साताभित्र प्रदेश प्रमूख नियुक्त गर्ने भएको छ । निर्वाचन आयोगले प्रदेशसभा तर्फ समानुपातिक प्रणालीको मतपरिणाम सार्वजनिक गरिसकेकाले सरकारलाई प्रदेश प्रमूख तोक्न दवाव परेको हो ।

आयोगले हिजो प्रदेश सभामा समानुपातिकतर्फ दलहरूले पाएको मतपरिणाम सार्वजनिक गरेको छ । अब आयोगले सिटका आधारमा विजयी उम्मेदवारको घोषणा गर्नेछ । र त्यसको प्रतिवेदन सात दिनभित्र प्रदेश प्रमुखलाई बुझाउनु पर्ने व्यवस्था छ ।

तर अझै पनि प्रदेश प्रमुख नतोकिएकाले सरकारलाई दवाव बढेको हो । प्रधानमन्त्री शेरबहादुर देउवाले आउँदोबिहीबारसम्म प्रदेशको राजधानी र प्रमूख नियुक्त गर्ने तयारी गर्नुभएको प्रधानमन्त्रीको सचिवालयले जनाएको छ ।

सकेसम्म दलिय सहमतिमै प्रदेश प्रमूख तोक्ने तयारीमा प्रधानमन्त्री रहनुभएको छ । प्रदेशको अस्थायी राजधानीका बारेमा पनि सरकारले तयारी पूरा गरेको तर घोषणा हुन बाँकी रहेको बताईएको छ ।

पूर्वराष्ट्रपति यादवलाई १५ दिनभित्र घर छोड्न घरधनीको अल्टिमेटम

काठमाडौं, कात्तिक २० – भाडाको घरमा बस्दै आउनुभएका पूर्वराष्ट्रपति डा. रामवरण यादवलाई १५ दिनभित्र घर छाड्न आग्रह गर्दै घर धनी रविभक्त विष्टले सार्वजनिक सूचना जारी ...