‘भूकम्पपछिको पुनःनिर्माण पहिलो प्राथमिकता’:मोहन आचार्य

काठमाडौँ पुस ८ ,हिमाली जिल्ला रसुवाका नवनिर्वाचित सांसदहरुले भूकम्पले क्षति पु¥याएको संरचनाको पुनःनिर्माण आफूहरुको पहिलो प्राथमिकता भएको बताएका छन् ।

लोकतान्त्रिक गठबन्धन रसुवाले आज बसुन्धरामा आयोजना गरेको ‘बधाई तथा धन्यवाद’ कार्यक्रममा नवनिर्वाचित सांसदहरुले समृद्ध र सुन्दर रसुवा निर्माणका लागि भूकम्पले भत्केको संरचना निर्माण आफूहरुको पहिलो काम भएको बताएका हुन् ।

कार्यक्रममा रसुवा क्षेत्र नं १ नवनिर्वाचित प्रतिनिधिसभा सदस्य इन्जिनियर मोहन आचार्यले भूकम्पले क्षति पु¥याएको संरचनाको पुनःनिर्माणका लागि भूकम्प पुनःनिर्माण प्राधिकरणसँग छिटो सहकार्य गरेर अगाडि बढ्ने बताउनुभयो ।

“प्राकृतिक क्षेत्रले सम्पन्न रसुवाको विकासका लागि पुनःनिर्माण नै पहिलो प्राथमिकता हो,”–उहाँले भन्नुभयो । उहाँले रसुवाभित्रको सडकको स्तरोन्नति, खानेपानी, सिँचाइ, जलविद्युत् क्षेत्रको समस्याको समाधानका लागि आफूहरुले काम गर्ने बताउनुभयो । रसुवा प्रदेशसभा ‘क’ का सांसद प्रभात तामाङले अन्तर्राष्ट्रिय नाकाका रुपमा रहेको रसुवाको विकासका लागि आफूहरुले काम गर्ने बताउनुभयो ।

प्रदेशसभा ‘ख’ का सांसद प्रेम तामाङले रसुवालाई नमूना हिमाली जिल्लाका रुपमा विकास गर्दै पर्यटनको विकास र विस्तारका लागि आफूहरु सदैव लाग्ने बताउनुभयो ।

आफ्नै कीर्तिमान तोड्दै प्रधानमन्त्री देउवा, मन्त्री परिषदको संख्या ५६ पुग्यो

प्रधानमन्त्री शेरबहादुर देउवाले छैटौं पटक मन्त्रिपरिषद बिस्तार गर्नुभएको छ । राप्रपा प्रजातान्त्रिकका सांसद विराज बिष्टलाई विज्ञान प्रविधि तथा कमलादेवी शर्मालाई वन राज्यमन्त्रीमा नियुक्त गर्नुभएको हो ...