माओवादी केन्द्र नुवाकोटको एकता भेलाको तयारी

२३ साउन, नुवाकोट । एकिकृत नेकपा माओवादी र मोहन वैद्य निकटको नेकपा क्रान्तिकारी माओवादीका रामबहादुर थापा बादल समुहबीच पार्टी एकता भएसँगै बनेको नेकपा माओवादी केन्द्र नुवाकोटले पनि एकता भेला गर्ने तयारी गरेको छ । नेकपा माओवादी केन्द्रका केन्द्रिय सचिवालय सदस्य एवं नुवाकोटका इन्चार्ज हितबहादुर तामाङको प्रमुख उपस्थितिमा हालैमात्र बसेको माओवादी केन्द्र नुवाकोटको बैठकले यही साउन ३० गते एकता भेला गर्ने निणर्य गरेको हो ।

Maobadi Kendra

पार्टीको केन्द्रिय समितिको निर्णयअनुसार प्रदेश, जिल्ला, गाउँ, नगरपालिका र वडा तहसम्म एकता भेला तथा सम्मेलन गर्ने कार्यक्रमअनुसार पार्टी एकता भेला गर्ने तयारी थालिएको माओवादी केन्द्र नुवाकोटका सहसंयोजक पुष्प लामिछाने अरुणले जानकारी दिनुभयो । उहाँका अनुसार जिल्लास्तरिय भेलापछि गाउँ तहसम्म एकता कार्यक्रमलाई तिव्र बनाइने जानकारी दिनुभयो ।

माओवादी केन्द्र नुवाकोटका जिल्ला संयोजक हिरानाथ खतिवडाको अध्यक्षतामा बसेको बैठकले अन्य कार्यक्रम र अभियान सञ्चालनसम्बन्धि निर्णयहरुसमेत गरेको छ । जसअनुसार स्थानिय सिमाङ्कन र पुनः संरचनाका लागि १२ सदस्यिय सुझाव कार्यदल समितिसमेत गठन गरेको छ । यसले अब हुने नगरपालिका र गाउँपालिकाको पुनःसंरचनाका लागि वस्तुवादी र बैज्ञानिक विधिसहितको सुझाव पार्टीसमक्ष दिने संयोजक हिरानाथ खतिवडाले जानकारी दिनुभयो ।

भारतको कारण तराई डुब्योः प्रचण्ड

रौतहट भदौ १५, नेकपा माओवादी केन्द्रका अध्यक्ष प्रचण्डले दक्षिणी सिमानामा भारतले निर्माण गरेका बाँधका कारण तराई मधेसका अधिकांश भागहरु डुबानमा परेको बताउँनु भएको छ । ...