पूर्वेलीलाई ऊर्जामन्त्रीको प्रस्तावः अलैंचीसँग बिजुली साटौं

२१ माघ, ताप्लेजुङ । ऊर्जामन्त्री जनार्दन शर्मा प्रभाकरले अलैंचीसँग बिजुली साट्न सुदूर पूर्वका जनतासँग प्रस्ताव राखेका छन् ।

ताप्लेजुङमा पार्टी कार्यकर्ताहरुसँगको भेटघाटमा शर्माले अलैंचीबाट प्राप्त आम्दानीबाट जलविद्युतमा शेयर लगानी गर्न आग्रह गरे । ‘तपाईहरुसँग मेरो एउटा प्रस्ताव छ, अलैंचीसँग बिजुली साटौं, तपाईको जीवनस्तरमा नसोचेको सुधार आउनेछ’ उनले भने, ‘यस क्षेत्रमा उत्पादन हुने अलैंचीले तपाईलाई जलविद्युतको मालिक बनाउनेछ ।’

ऊर्जा मन्त्रालयले नेपालको पानी जनताको लगानी कार्यक्रम अघि सारेको भन्दै उनले जलविद्युतमा शेयर लगानी गरेर धनी हुन आव्हान गरे । कार्यकर्ताको व्यवस्थापन र जनताको जीवनस्तर सुधार गर्ने क्रमको शुरुवात हाइड्रो पावरबाट गर्न सकिने उनले बताए ।

देशलाई विद्युतीकरणको उत्कर्षमा पुर्याएर विकास गर्न सके मात्र राष्ट्रिय स्वाभिमान जोगाउन सकिनै भन्दै उर्जामन्त्री शर्माले समृद्धि विनाको स्वाभिमानको नारा हवाई कल्पना मात्र भएको टिप्पणी गरे

जनप्रतिनिधिलाई प्रकाशमानको सुझावः स्थानीयको भावना बुझेर काम गर्नुस्

नेपाली कांग्रेसका नेता प्रकाशमान सिंहले स्थानीय सरकार स्थायी सरकार भएकाले जनताको भावनालाई बुझेर काम गर्न जनप्रतिनिधिहरुलाई सुझाव दिएका छन् । विकास निर्माणका कामलाई प्राथमिकता दिन पनि ...