काम थाले रसुवाका वडाध्यक्षहरुले

वैशाख ३१ गते भएको पहिलो चरणको स्थानीय तहको चुनावमा विजय भएका रसुवाका वडा अध्यक्षहरुले काम सुरु गरेका छन् । नयाँ व्यवस्था अनुसार जिल्लामा कायम गरिएको २७ वटा वडामध्ये २२ वटा वडाको कार्यालय स्थापना गरी काम सुरु भएको हो ।

पाँच वटा गाउँपालिका रहेको जिल्लामा अव पाँच वटा वडाको मात्र कार्यालय स्थापना गर्न वाँकी रहेको छ । भूकम्पका कारण भत्किएका निजी घर निमार्ण भइनसकेका कारण पार्वतीकुण्ड गाउँपालिकामा दुई, कालिका, नौकुण्ड र गोसाइँकुण्डमा एउटा एउटा वडामा कार्यालय स्थापना गर्न समस्या आएको हो ।

bikram-lama

सञ्चालनमा आएको २२ वटा कार्यालयमध्ये १५ वटा वडाको आफ्नै कार्यालय रहेको छ भने ७ वटा वडाको कार्यालय भाडाको घरबाट सञ्चालनमा आएका हुन् । खासगरी वडाबाट सहभागितामूलक योजना तर्जुमा, तथ्याङ्क अद्यावधि, विकासका कार्य, सिफारिस र प्रमाणीकरण, स्थानीय न्यूनतम दररेट निर्धारण, उपभोक्ता समिति निर्माण र परिचालन लगायतका काम वडाले गर्नपाउने छन् ।

उत्तरगया गाउँपालिकाको पाँच वटै वडाको आफ्नै कार्यालय रहेको प्रमुख उपेन्द्र लम्सालले वताउनुभयो ।

चीनले अघि सारेको ‘वान वेल्ट वान रोड’ को अवधारणामा हस्ताक्षर गर्ने सरकारको निर्णय

२५ बैशाख, काठमाडौं । सरकारले चीनको वान वेल्ट वान रोड अवधारणामा हस्ताक्षर गर्ने निर्णय गरेको छ । मन्त्रिपरिषदको आजको बैठकले यस्तो निर्णय गरेको हो । ...