बिदेशका दर्शकले पहिला हेर्न पाउने भए हसनको ‘रोमियो’

कार्तिक १७ गते प्रदर्शनको तयारीमा रहेका चलचित्र ‘रोमियो’ नेपालमा भन्दा पहिला नेपालीहरुको बसोबास रहेको बाहिरी देशमा लाग्ने भएको छ । चलचित्रका निर्माता तथा नायक हसन राजा खानका अनुसार चलचित्रको पहिलो प्रदर्शन भने कतारमा हुनेछ ।

मुस्लिम समुदायको ठुलो पर्ब बकर ईदको अवसरमा चलचित्रलाई कतारको दोहामा रिलिज गरिने छ । निर्माता खानका अनुसार चलचित्र ‘रोमियो’ भदौ १६ गते त्यहाँका हलहरुमा प्रदर्शन गरिने भएको हो । यस्तै नेपालको प्रदर्शन अगावै चलचित्रहरुलाई हङकङ, जापान, दुवई, अस्ट्रेलिया, अमेरिका र सिक्किममा प्रदर्शन गरिने पनि निर्माता खानले गज्जबको अनलाईनसँगको कुराकानीमा खुलाए ।

Romeo

एचआरके प्रोडक्सन सेकेण्ड भेन्चरको प्रस्तुतीमा निर्माण हुन लागेको चलचित्रलाई शंकर कार्कीले निर्देशन गरेका छन् । किरण माइकल घिमिरेको लेखनमा तयार भएको चलचित्रमा अधिकांश नव कलाकारहरुलाई प्राथमिकता दिईएको छ । चलचित्रमा हसन राजा खान, मेलिना मानन्धर, निशा अधिकारी, भानुप्रताप लगायतका चलेका अनुहार छन् ।

चलचित्रमार्फत नवनायिका ओशिमा बानु, बिपिन मिक्की गुरुङ, बिकास खतिवडा, श्रद्धा सिलवाल लगायतका कलाकारहरुले नेपाली चलचित्र क्षेत्रमा डेब्यु गर्दैछन् । यसअघि बैशाख २९ गते प्रदर्शन गर्ने भनिएको चलचित्र स्थानिय तहको पहिलो चरणको चुनावको कारण सारिएको थियो ।

झापा पुगेपछि ओली क्रुद्धः अन्तरघातीलाई कारवाही गर्ने चेतावनी

 नेकपा एमालेका अध्यक्ष केपी शर्मा ओलीले दोस्रो चरणको स्थानीय चुनावमा धेरै ठाउँमा एमालेले एमालेलाई हराएको भन्दै अन्तरघातीलाई निर्मम कारवाही हुने चेतावनी दिएका छन् । गृहजिल्ला ...