नदीजन्य वस्तुको चोरी निकासी बढ्दो, प्रशासन बन्यो मुकदर्शक

नुवाकोटका नदीनालाबाट नदीजन्य वस्तु (ढुंगा, गिट्टी, बालुवा) को उत्खनन् गरी त्यसको चोरी निकासी गर्ने कार्य बढ्दै गएको छ ।

नुवाकोटको तादी, त्रिशूली र लिखु खोलासहित अन्य खानीबाट रातको समयमा नदीजन्य बस्तुको उत्खनन् र चोरी बढेको स्थानीयवासीहरुले बताएका छन् ।

जिल्ला समन्वय समितिले असोज १ गतेपछि मात्रै खोला तथा खानीबाट नदीजन्य पदार्थ उत्खनन् गर्न पाइने गरी ठेक्का लगाएको भएपनि साँझ विहान र रातको समयमा नदीबाट एक्साभेटरको प्रयोग गरी उत्खनन् भइरहेको स्थानीयबासीहरुले बताएका छन् । त्रिशूली खोलाको देवीघाटदेखि कोल्पुखोलासम्म र तादी खोलाको देवीघाटदेखि मालाकोट हुँदै थानसिं, चौघडा क्षेत्रमा लुकीछिपी बालुवा तथा नदी जन्य पदार्थको उत्खनन् भइरहेको छ ।

फाईल तस्विर

नुवाकोट जिल्लामा जनप्रतिनिधिहरु आएसँगै उनीहरुले नदीजन्य पदार्थ उत्खनन्मा कडाई गरेपछि स्थानीय प्रशासनको आडमा तस्करहरुले अवैध व्यापार गरिरहेको स्थानीयबासीहरुको आरोप रहेको छ ।

हाल ठेक्का नलागेका विभिन्न खोला नालाबाट दिनहँुजसो नदीजन्य वस्तु चोरी निकासी मौलाउँदै गएपनि प्रहरी प्रशासन मौनछ । प्रहरी प्रशासनको संरक्षणमा दिनहँुजसो विभिन्न खोला नालाबाट खोला जन्यवस्तु चोरी निकासी हँुदै आएको स्थानीयवासीको आरोप छ ।

प्रहरीले थोरै ट्रिपरहरुलाई नियन्त्रणमा लिएर धेरै ट्रिपरलाई उन्मुक्ति दिँदै आएको छ । नुवाकोटका खोला तथा खानीवाट नदीजन्य बस्तुको उत्खनन्का लागि जिल्ला समन्वय समिति नुवाकोटको १० करोड रुपैयाँमाबाट नघट्ने गरी ठेक्का आव्हान गरेको छ । सरकारी मान्यता अनुसार असारदेखि भदौसम्म खोलाबाट एक्साभेटरको प्रयोग गरेर नदीजन्य बस्तु उत्खनन् गर्न प्रतिवन्ध गरिएको छ ।

अवैध रुपमा फस्टाएको यो व्यापारका कारण नुवाकोट जिल्लावासीले ठूलो रकम घाटा व्यहोर्नु परेको छ भने व्यापारीहरुले नदीजन्य पदार्थको विक्रिी वितरणमा कालोबजारी गर्दा चर्को मूल्य तिर्न बाध्य भएका छन् । अवैध उत्खनन्कै कारण बाढी पहिरो, भूक्षय, वन विनाश हुने खतरा बढ्दै गएको छ ।

एनसेल क्याम्पका विजेताले पाए पुरस्कार

२७ पुस- नेपालको अग्रणी मोवाइल सेवा प्रदायक एनसेलले सामाजिक उत्तरदायित्व अन्र्तगत आयोजना गरेको एनसेल एप क्याम्प २०१५ का विजेताहरुलाई चेक तथा प्रमाण पत्र र फाइनलिष्टहरुलाई ...