अपहरीत बालिकाको सकुशल उद्धार

धादिङ, २२ भदौ, पोखराको चिप्लेढुङ्गाबाट अपरीत बालिकाको सकुशल उद्धार प्रहरीले उद्धार गरेको छ । धादिङस्थित पृथ्वीराजमार्ग अन्तर्गत थाक्रे गाउँपालिका खेस्टेबाट दुई वर्षीया बालिकालाई उद्धार गरिएको सिम्लेस्थित प्रहरी सहायक निरीक्षक सिम जिसीले बताउनुभयो ।
धादिङको धुनीबेसी नगरपालिका धार्के निवासी २७ वर्षीय सन्तोष सापकोटाले एक शिशु बोकेर सडक क्षेत्रमा हिँडिरहेको अवस्थामा फेला पारेपछि स्थानिवासीले प्रहरीलाई खबर गरेका थिए ।
आरोपी सापकोटालाइ प्रहरीले अनुसन्धान गरिरहेको छ भने बालिकाको नातेदारको खोजी भइरहेको प्रहरीले जनाएको छ । पोखराको चिप्लेढुङ्गा क्षेत्रमा कवाडी सामानको काम गर्ने बालिकाका बाबुआमालाई आफूले घरमा बालक हेरी दिने बताएर उनीहरु काममा गएको बेला बालिका बोकेर धादिङ ल्याएको प्रारम्भिक अनुसन्धानमा सापकोटाले बताएको प्रहरी सहायक निरीक्षक जिसीले जानकारी दिनुभयो ।

तुम ल्होसार मनाइँदै

१५ पुस- गुरुङ समुदायले बुधबार आफ्नो नयाँ वर्षको रुपमा तमु ल्होसार मनाउँदैछन् । प्रत्येक वर्ष १२ वर्षमा युग परिवर्तन हुने र यस्ता परिवर्तन हुने वर्षलाई ...