केरुङबाट कारोबार सुरु

रसुवा, १० कात्तिक । गत हप्तादेखि बन्द रसुवागढी नाकाबाट आजदेखि व्यावसायिक कारोबार सुरु भएको छ ।

रसुवा भन्सार कार्यालय टिमुरेका भन्सार अधिकृत भीम आङ्दम्बेका अनुसार सामान लिन केरुङ गएका नेपाली ट्रक कन्टेनर नेपाल प्रवेश गर्न थालेका छन् । आज मात्र स्याउ बोकेर आएका ४० कन्टेनर नेपाल भित्रिएका छन् ।

चिनियाँ कम्युनिष्ट पार्टीको महाधिवेशनलाई ध्यानमा राखी यही कात्तिक १ गतेदेखि बन्द गरिएको रसुवागढी नाकाबाट औपचारिक रुपमा कुनै पत्र नआए पनि अनौपचारिक रुपमा सवारी साधन ओहोरदोहोर हुन थालेको जिल्ला प्रहरी प्रमुख शरतकुमार थापा क्षेत्रीले जानकारी दिनुभयो ।

धरानको संयोगः ४५ वर्षदेखि धान्दैछ वामपन्थीको बिरासत

०३० सालमा नगरपञ्चायत घोषणा भएदेखि धरानको इतिहास नै यस्तो रहँदै आयो कि वामपन्थी उम्मेदवारबाहेक कसैले पनि नगरलाई नेतृत्व गरेन । एमालेले धरान उपमहानगरपालिकामा ह्याट्रिक गरेको ...