लोकतन्त्रको सुदृढीकरणका लागि काँग्रेसको जित अपरिहार्य छ: प्रम

काठमाडौँ कात्तिक २६ ,प्रधानमन्त्री एवं नेपाली काँग्रेसका सभापति शेरबहादुर देउवाले लोकतन्त्रको संस्थागत विकासका लागि आगामी निर्वाचनमा काँग्रेसले जित्नु अपरिहार्य भएको बताउनुभएको छ ।

नेपाल तेक्वान्दो संघका खेलाडीलाई काँग्रेसमा प्रवेश गराउन यहाँ आज आयोजित कार्यक्रममा उहाँले मानवाधिकार, प्रेस स्वतन्त्रता र व्यक्तिको स्वतन्त्रताको हक लोकतन्त्रमा मात्र सुरक्षित हुने बताउनुभयो । प्रतिनिधिसभा र प्रदेशसभाको निर्वाचन लोकतन्त्र रोज्ने कि कम्युनिष्ट शासन रोज्ने जनमत भएको विचार व्यक्त गर्दै प्रधानमन्त्री देउवाले लोकतन्त्रको रक्षा काँग्रेसले मात्र गर्न सक्छ भन्नुभयो । कम्युनिष्ट शासन आए लोकतन्त्र समाप्त हुनेछ भन्दै उहाँले यस जटिल घडीमा काँग्रेसलाई साथ दिन जनतालाई आग्रह गर्नुभयो ।

कार्यक्रममा काँग्रेसका वरिष्ठ नेता रामचन्द्र पौडेलले लोकतन्त्रको सुदृढीकरणका लागि काँग्रेस सदैव कटिबद्ध रहँदै आएको बताउँदै आगामी निर्वाचनमा जनताले प्रजातान्त्रिक शक्तिलाई साथ दिनुपर्ने धारणा व्यक्त गर्नुभयो ।

विश्वमा असफल भइसकेको साम्यवाद केही कम्युनिष्ट दलले नेपालमा लागू गर्ने प्रयास गरेको बताउँदै वरिष्ठ नेता पौडेलले त्यसलाई कदापि सफल हुन नइिदने दृढता व्यक्त गर्नुभयो ।

कार्यक्रममा काँग्रेस नेता एवं युवा तथा खेलकुदमन्त्री राजनकुमार केसीले लोकतन्त्र र काँग्रेसलाई बलियो बनाउन सम्पूर्ण प्रजातान्त्रिक शक्ति एक हुनुपर्नेमा जोड दिनुभयो । कार्यक्रममा तेक्वान्दो संघका संस्थापक दीपराज गुरुङ, संघका महासचिव कमलराज गुरुङलगायत मुलुकभरका ३६१ खेलाडी काँग्रेसमा प्रवेश गर्नुभएको छ । उहाँहरुलाई ं काँग्रेस सभापति देउवाले अबिरमाला लगाई पार्टीमा प्रवेश गराउनुभएको थियो ।

अन्र्तराष्ट्रिय लाङटाङ म्याराथन रसुवा सम्पन्न

१३ बैशाख, रसुवा । रसुवाको पर्यटयिक क्षेत्र लाङटाङमा आयोजना गरिएको दोस्रो टान अन्र्तराष्ट्रिय लाङटाङ म्याराथनमाअन्र्तराष्ट्रिय लाङटाङ म्याराथन महिलातर्फ नेपाली सेनाका सरिता वासी र पुरुष तर्फ ...