राजपा अध्यक्षमण्डलको बैठक आज, चुनावी समीक्षा हुने

काठमाडौं, पुस ११ – राष्ट्रिय जनता पार्टी नेपालको अध्यक्षमण्डलको बैठक मंगलबार बस्दैछ । बैठकमा प्रतिनिधिसभा र प्रदेशसभा चुनावको समीक्षा, केन्द्र र प्रदेश सरकार गठन लगायतका विषयमा छलफल हुनेछ ।

यस्तै चुनावमा विजयी भएका रेशम चौधरीलाई प्रमणपत्र आफै लिन आउन सर्वोच्च अदालतले दिएको आदेश लगायतका विषयमा पनि छलफल हुनेछ ।

यसैगरी समानुपातिक सांसद छनौटमा देखिएको विवादबारे पनि छलफल हुने राजपाका नेता मनिषकुमार सुमनले जानकारी दिनुभयो । प्रतिनिधिसभातर्फ प्रत्यक्षमा ११ सिट जितेको राजपाले सामानुपातिकमा ६ सिट पाउने छ । राजपाका नेताहरुले समानुपातिकको प्राथमिकताको सूचिमा आफन्त र आसेपासेलाई राखेको भन्दै आलोचना भइरहेको छ ।

बैठक बिहान ११ बजे पार्टी कार्यालय बबरमहलमा बस्नेछ । बैठक सोमाबारका लागि तय भए पनि अध्यक्षमण्डलका नेताहरु महेन्द्रराय यादव, राजकिशोर यादव र अनिलकुमार झा उपस्थित हुन नसकेपछि मंगलबारका लागि सारिएको हो ।

नेपालमा देखिएको संकटमा अमेरिकाको चिन्ता

१९ कात्तिक– अमेरिकाले नेपाल–भारत सीमामा अस्थिरता देखिएको भन्दै त्यसप्रति आफ्नो ध्यानाकर्षण भएको जनाएको छ । उसले वैशाखको भूकम्पले पारेको अप्ठ्यारोबाट निस्कदैँ गर्दा सीमामा भएको जटिलताले ...