आइपिएल क्रिकेटको प्लेअफ खेलहरु आजबाट हुँदै

इन्डियन प्रिमियर लिग (आइपिएल) ट्वेन्टी ट्वेन्टी क्रिकेटको प्लेअफ खेलहरु आजबाट हुँदैछन् । लिग चरणमा शीर्ष दुई स्थान हात पारेका सनराइजर्स हैदराबाद र चेन्नई सुपर किङ्सबीच आज पहिलो क्वालिफायर खेल हुँदैछ । खेल नेपाली समय अनुसार बेलुकी सवा ७ बजे मुम्बईमा हुनेछ ।

 

लिग चरणमा शीर्ष स्थानमा रहेको हैदरावाद र दोस्रो स्थानमा रहेको चेन्नईले सिधै फाइनल प्रवेशका लागि क्वालिफायर खेल्न लागेका हुन् ।यो खेलको विजेता टोली फाइनलमा पुग्दा पराजित हुने टोलीले अर्को एउटा अवसर पाउनेछ । लिग चरणमा तेस्रो स्थान लिएको कोलकाता नाइट राइडर्स र चौथो स्थान लिएको राजस्थान रोयल्स बुधबार दोस्रो प्ले अफ् अर्थात ईलिमिनेटर खेलमा भिड्नेछन् ।

 

उक्त खेलमा पराजित हुने टोली प्रतियोगिताबाट बाहिरिँदा विजयी हुने टोलीले आज पराजित हुने टोलीसँग हुने दोस्रो क्वालीफायर खेल्ने मौका पाउनेछ । उक्त खेलको विजेता पनि फाइनलमा प्रवेश गर्नेछ ।

२०१७ मा घुम्नै पर्ने ठाउँको सूचीमा नेपालको लाङटाङ पनि

२१ पुस, काठमाडौं । न्यूयोर्क टाइम्सले नयाँ वर्ष २०१७ मा घुम्नै पर्ने ठाउँहरुको सूची सार्वजनिक गरेको छ । र, त्यो सूचीमा नेपालको लाङटाङ पनि परेको ...